నిన్నిలా నిన్నిలా చిత్రం నుండి మెలోడి సాంగ్ ని రిలీజ్ చేశారు. డిఫ‌రెంట్ ల‌వ్ అండ్ ఎమోష‌న‌ల్ జ‌ర్నీని మా సినిమాలో ఫీల్ అవుతార‌ని అంటున్నారు ‘నిన్నిలా నిన్నిలా’ టీమ్‌. అశోక్ సెల్వ‌న్‌, నిత్యామీన‌న్‌, రీతూవ‌ర్మ హీరో హీరోయిన్లుగా రూపొందుతోన్న ఈ చిత్రాన్ని బాపినీడు.బి స‌మ‌ర్ప‌ణ‌లో ప్ర‌ముఖ నిర్మాణ సంస్థ‌లు శ్రీ వెంక‌టేశ్వ‌ర సినీ చిత్ర ఎల్ఎల్‌పీ, జీ స్టూడియోస్‌ల‌‌పై బీవీఎస్ఎన్‌.ప్ర‌సాద్ ఈ చిత్రాన్ని నిర్మిస్తున్నారు. అని.ఐ.వి.శ‌శి ద‌ర్శ‌క‌త్వం వ‌హిస్తున్నారు. ఈ సినిమా ‘‘ నా కోసం రేయె కొత్తగా పూసెనే.. నా దేశం పేరే మెలకువై మెరిసెనె..’’ అనే ల‌వ్ మెలోడిని విడుద‌ల చేసింది చిత్ర యూనిట్‌. ఈ మెలోడీని శ్రీమ‌ణి రాయ‌గా, రాజేశ్ మురుగేశ‌న్, విజ‌య్ ఏసుదాస్ ఆల‌పించారు. ఈ చిత్రానికి రాజేశ్ మురుగేశ‌న్ సంగీత సారథ్యం వ‌హించారు. ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటోన్న ఈ సినిమా రిలీజ్ డేట్‌ను త్వ‌ర‌లోనే అనౌన్స్ చేస్తామ‌ని నిర్మాత‌లు తెలిపారు.
