మేడ్చల్ (ప్రభన్యూస్): విద్యుత్ షాక్ తగిలి వ్యక్తి మృతి చెందిన ఘటన మేడ్చల్ జిల్లాలో ఇవ్వాల (శుక్రవారం) సాయంత్రం జరిగింది. పోలీసులు తెలిపిన వివరాల ప్రకారం.. శుక్రవారం దాదాపు 7 గంటల సమయంలో మేడ్చల్ మున్సిపల్ పట్టణంలోని కిష్టాపూర్ శ్మశాన వాటిక సమీపంలోని విద్యుత్ ఫోల్ వద్ద నిచ్చెన వేసి ఆక్ట్ ఫైబర్ పనులు చేస్తున్న వ్యక్తి కరెంట్ షాక్కి గురయ్యాడు. ఝార్ఖండ్ కు చెందిన దిలీప్ పింగువ (22) ప్రమాదవశాత్తు విద్యుత్ షాక్ తో స్తంభం పై నుండి కిందపడి అక్కడికక్కడే చనిపోయాడు. కేసు నమోదు చేసి దర్యాప్తు చేస్తున్నట్లు మేడ్చల్ పోలీసులు తెలిపారు.
