సంస్థన్ నారాయణపురం, అక్టోబర్ 4 (ప్రభ న్యూస్) : గిరిజన బాంధవుడు కేసీఆర్ అని ఎమ్మెల్యే కూసుకుంట్ల ప్రభాకర్ రెడ్డి అన్నారు. నారాయణపురం మండలంలోని ట్రైబల్ వెల్ఫేర్ రెసిడెన్సియల్ పాఠశాలను బుధవారం ఎమ్మెల్యే కూసుకుంట్ల ప్రభాకర్ రెడ్డి ప్రారంభించారు. ఈ సందర్భంగా ఆయన మాట్లాడుతూ… తెలంగాణ ప్రభుత్వం ఏర్పడ్డాక గిరిజనుల అభివృద్ధికి పెద్దపీట వేసిందన్నారు. తండాలను గ్రామ పంచాయతీలుగా మార్చి నూతన గ్రామ పంచాయతీల అభివృద్ధికి కృషి చేశారన్నారు.
ఈ కార్యక్రమంలో జడ్పీటీసీ వీరమల్ల భానుమతి వెంకటేష్ గౌడ్, పీఏసీఎస్ చైర్మన్ జక్కిడి జంగారెడ్డి, వైస్ ఎంపీపీ ఆంగోతు రాజు నాయక్, సర్పంచ్ శికిలమెట్ల శ్రీహరి, ఎంపీటీసీ గాలయ్య యాదవ్, తాసిల్దార్ కృష్ణ, ఎంపీడీవో రాములు, ఆయా గ్రామాల సర్పంచులు పాల్గొన్నారు.