కంపెనీలో పేలుడు.. ఒకరు మృతి

నల్గొండ జిల్లాలోని చిట్యాల మండలం వెలిమినేడు ఓ కంపెనీలో గత నెల 24న జరిగిన రియాక్టర్ పేలుడు ఘటనలో ఒకరు మృతి చెందారు. సికింద్రాబాద్ యశోదా ఆస్పత్రిలో కాలిన గాయాలతో చికిత్స పొందుతూ జార్ఖండ్‌కు చెందిన బల్దేవ్ అనే కార్మికుడు మరణించాడు. ఈ ప్రమాదంలో గాయపడిన మరో ఐదుగురు కార్మికులు కోలుకుని ఆస్పత్రి నుంచి డిశ్చార్జ్ అయ్యారు. అలాగే లక్ష్మారెడ్డి అనే బాధితుడు ఆస్పత్రిలో చికిత్స పొందుతున్నాడు. గత నెల కంపెనీలో రియాక్టర్ పేలిన ఘటనలో ఏడుగురు కార్మికులు గాయపడ్డ విషయం తెలిసిందే.