షాద్ నగర్: రంగారెడ్డి జిల్లా షాద్ నగర్ పట్టణ ముఖ్య కూడలిలో గుంతలు ఏర్పడి కొంతకాలంగా ప్రజలు ఇబ్బందులు ఎదుర్కొంటున్నారు. అయితే కొత్తూరు నుండి అన్నారం జంక్షన్ వరకు నాలుగు లైన్ల రహదారి వస్తుండడంతో పనులు జరిగేందుకు కొంత సమయం ఉంది. ఈ నేపథ్యంలో గుంతలు ఉన్నందున ప్రజలు ఇబ్బందులు ఎదుర్కొంటున్నారని తెలుసుకొని యుద్ధప్రాతిపదికన మరమ్మతు పనులు చేపట్టాలని ఎమ్మెల్యే అంజయ్య యాదవ్ అధికారులను ఆదేశించారు.
ఈ సందర్భంగా తాత్కాలిక మరమ్మత్తు పనులు ఆదివారం చేపట్టారు. షాద్ నగర్ పట్టణ మున్సిపల్ వైస్ చైర్మన్ నటరాజన్ ఆధ్వర్యంలో టాఆర్ ఎస్ నాయకులు చీపిరి రవి యాదవ్, గుండు అశోక్, శీలం శ్రీకాంత్ మరమ్మతు పనులను దగ్గరుండి పరిశీలించారు.