మహిళా దినోత్సవం – చారిత్ర‌క క‌ట్ట‌డాల్లోకి మ‌హిళ‌ల‌కి ఉచిత ప్ర‌వేశం

మ‌హిళా దినోత్స‌వం సంద‌ర్భంగా చారిత్ర‌క క‌ట్ట‌డాల్లోకి మ‌హిళ‌ల‌కి ఉచిత ప్ర‌వేశాన్ని క‌ల్పిస్తున్న‌ట్లు ఉత్త‌ర‌ప్ర‌దేశ్ లోని ల‌క్నో జిల్లా మేజిస్ట్రేట్ ప్ర‌క‌టించింది. లక్నో డిఎం అభిషేక్ ప్రకాష్ జారీ చేసిన నోటిఫికేషన్ ప్రకారం, ‘మిషన్ శక్తి’ ప్రచారంలో భాగంగా ఈ నిర్ణయం తీసుకున్నారు. మార్చి 8 అంతర్జాతీయ మహిళా దినోత్సవం సందర్భంగా, నగరంలోని ఛోటా ఇమాంబారా, బడా ఇమాంబారా .. పిక్చర్ గ్యాలరీలో మహిళలకు ఉచిత ప్రవేశం కల్పిస్తార‌ని నోటీసులో పేర్కొంది. ఆర్కియోలాజికల్ సర్వే ఆఫ్ ఇండియా (ASI) జారీ చేసిన ఉత్తర్వుల ప్రకారం, అంతర్జాతీయ మహిళా దినోత్సవాన్ని పురస్కరించుకుని మార్చి 8న అన్ని కేంద్ర రక్షిత ప్రదేశాలకు అంతర్జాతీయ మరియు భారతీయ మహిళా పర్యాటకులకు ఉచిత ప్రవేశం కల్పిస్తారు. ఆర్కియాలజికల్ సర్వే ఆఫ్ ఇండియా ప్రధాన ప్రదేశాలలో 3,691 స్మారక చిహ్నాలను సంరక్షిస్తుంది. మార్చి 8, 2021న, అంతర్జాతీయ మహిళా దినోత్సవం సందర్భంగా, డైరెక్టర్ జనరల్, ASI, టిక్కెట్టు పొందిన అన్ని కేంద్రీయ రక్షిత స్మారక చిహ్నాలు పురావస్తు ప్రదేశాలు .. అవశేషాల వద్ద మహిళా సందర్శకులందరికీ (దేశీయ .. విదేశీ) ఎటువంటి రుసుము వసూలు చేయరాదని ఆదేశించారు.