వెబ్ సిరీస్ గా మాజీ ప్ర‌ధాని ‘పీవీ న‌ర‌సింహారావు’ జీవిత చ‌రిత్ర

ఇప్ప‌టికే ప‌లువురి జీవిత చ‌రిత్ర‌లు తెర‌కెక్కాయి. ఎన్టీఆర్ ద‌గ్గ‌ర నుంచి మ‌హాన‌టి సావిత్రి వ‌ర‌కు వెండితెర‌పై వారి చ‌రిత్ర‌ని ఆవిష్క‌రించారు. కాగా మాజీ ప్ర‌ధాని పీవీ న‌ర‌సింహారావుపై ఓ వెబ్ సిరీస్ రానుందట‌. భారతదేశ రూపురేఖలను పీవీ మార్చిన తీరుపై వినయ్ సీతాపతి ‘హాఫ్ లయన్’ పేరుతో ఓ పుస్తకాన్ని రాశారు. ఇప్పుడీ పుస్తకం ఆధారంగా అదే పేరుతో బాలీవుడ్ ప్రముఖ దర్శకుడు ప్రకాష్ ఝా ఈ వెబ్ సిరీస్‌ను రూపొందించనున్నారు. పీవీ నరసింహారావు 1991 నుంచి 1996 వరకు భారత ప్రధానిగా పనిచేశారు. పీవీ తన హాయంలో దేశంలో పలు ఆర్థిక సంస్కరణలు తీసుకొచ్చిన ఘనత సాధించారు. 1992లో హిందూ-ముస్లింల అల్లర్లకు దారితీసిన అయోధ్యలోని బాబ్రీ మసీదు విధ్వంసం కూడా ఆయన హయాంలోనే జరిగింది.కాగా ఈ వెబ్ సిరీస్ ను హిందీ, తెలుగు, తమిళ భాషల్లో దీనిని తెరకెక్కించనున్నట్టు ప్రకాష్ ఝా ప్రకటించారు. 2023లో ప్రసారం కానున్న ఈ వెబ్ సిరీస్‌ను ఆహా స్టూడియోస్, అప్లాజ్ ఎంటర్‌టైన్‌మెంట్ కలిసి నిర్మించనున్నాయి.