తెలంగాణలోని యాదాద్రి భువనగిరి జిల్లా యాదగిరి గుట్టలో ఇవ్వాల (శుక్రవారం) ఓ బిల్డింగ్ ఉన్నట్టుండి కుప్పకూలింది. పురాతన రెండస్తుల బిల్డింగ్ కుప్పకూలడంతో పనిచేస్తున్న ముగ్గురు కూలీలు చనిపోయారు. హుటాహుటిన అధికారులు, స్థానికులు సహాయక చర్యలు చేపట్టారు. ఈ ప్రమాదంలో మృతుల సంఖ్య ఇంకా పెరిగనున్నట్టు తెలుస్తోంది. దీనికి సంబంధించి మరిన్ని వివరాలు తెలియాల్సి ఉంది..
కాగా, యాదగిరిగుట్టలో రెండు అంతస్తుల భవనం కుప్పకూలడంపై గవర్నర్ డాక్టర్ తమిళిసై సౌందరరాజన్ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు తన ప్రగాఢ సానుభూతిని తెలియజేస్తున్నానని, గాయపడిన వారు త్వరగా కోలుకోవాలని ప్రార్థిస్తున్నట్లు తెలిపారు. క్షతగాత్రులకు మెరుగైన వైద్యం అందించాలని ప్రభుత్వ అధికారులకు గవర్నర్ సూచించారు.