బంగ్లాదేశ్, భారత్లో అక్రమ చొరబాట్ల నేపథ్యంలో బోర్డర్ సెక్యూరిటీ ఫోర్స్ నిఘా తీవ్రం చేశారు. ఈ క్రమంలో బంగ్లాదేశ్ నుంచి ఇండియాకి అక్రమంగా వస్తున్న ఓ మహిళను పట్టుకున్నారు. బంగ్లాదేశ్ బరిసాల్ జిల్లాకు చెందిన 32 ఏళ్ల మహిళ పలుమార్లు అక్రమంగా దేశ సరిహద్దులు దాటుతున్నట్టు గుర్తించారు. కాగా, ఆమె బంగ్లదేశ్లో కాల్గర్ల్ (వ్యభిచారం) అని తెలుస్తోంది. జవాన్ల ప్రాథమిక విచారణలో 2006లో ఎండీ ఇస్లాం అనే వ్యక్తిని పెళ్లాడినట్టు వెల్లడైంది. 2011లో ఆడబిడ్డకు జన్మనిచ్చిన ఆమె, ఇంటి సమస్యల కారణంగా 2013లో భర్తకు విడాకులిచ్చింది.
2017లో చట్టవిరుద్ధంగా భారత్లోకి అడుగుపెట్టింది. డామన్లోని తీన్బట్టీకి చేరుకుని జీవనం కోసం బట్టలు కుట్టడం ప్రారంభించింది. అద్దె ఇంట్లో ఉండేదని మరింత డబ్బులు సంపాదించడానికి ఈజీ మార్గంగా వ్యభిచారం మార్గాన్ని ఎంచుకున్నట్టు తెలుస్తోంది. ఆ తర్వాత డామన్లోని పలు ఏరియాల్లో కాల్ గర్ల్గా పనిచేసిందని తెలుస్తోంది. అంతేకాకుండా చాలాసార్లు బంగ్లాదేశ్కు వెళ్లొచ్చిందని, ఆరు నెలల క్రితం మరోసారి బంగ్లేదేశ్కు వెళ్లివచ్చినట్టు విచారణలో వెల్లడించింది. ఇట్లా బోర్డర్ దాటించడానికి కొంతమందికి దాదాపు 19వేలు చెల్లించినట్టు పేర్కొంది. జనవరి 31న మరోసారి బంగ్లాదేశ్ నుంచి ఇండియాలోకి టౌట్ సహాయంతో వస్తుండగా బోర్డర్ సెక్యూరిటీ ఫోర్స్ దళాలు పట్టుకున్నాయి.