– ఇంటర్నెట్ డెస్క్, ఆంధ్రప్రభ
డ్రగ్స్ సప్లయ్ చేస్తూ హైదరాబాద్ పోలీసులకు దొరికిన నిర్మాత కేపీ చౌదరిని పోలీసులు విచారణ చేస్తున్నారు. ఈ క్రమంలో అతను ఎన్నో సీక్రెట్స్ రివీల్ చేసినట్టు తెలుస్తోంది. సినీ ఇండస్ట్రీలో ఎవరెవరితో లింక్స్ ఉన్నాయనే విషయాలు వెల్లడించినట్టు అవగతమవుతోంది. ఇక.. తెలుగు ఐటెమ్ సాంగ్స్లో చేసిన మరో హీరోయిన్ కూడా కేపీతో టచ్లో ఉన్నట్టు సమాచారం. మరో నటితో కలిసి డీల్స్ చేశారని, వీరికి వందల సంఖ్యలో ఫోన్ కాల్స్ సంభాషణ జరిగినట్టు పోలీసులు నిర్ధారించకున్నారు.
అయితే.. వీరి ఫోన్ సంభాషణల విషయంలో కేపీ చౌదరి నోరు మెదపడం లేదని సమాచారం అందుతోంది. కాగా, 12 మందికి డ్రగ్స్ సప్లయ్ చేసినట్టు కేపీ చౌదరి ఒప్పుకున్నట్టు తెలుస్తోంది. కేపీ బ్యాంకు లావాదేవీలను పోలీసులు పరిశీలించారు. దీంతో కేపీ ఖాతాలో 11 అనుమానాస్పద లావాదేవీలు జరిగినట్టు గుర్తించారు. కేపీ లిస్టులో డ్రగ్స్ కన్స్యూమర్ల పేర్లు కూడా ఉన్నట్టు స్పష్టమవుతోంది. రఘు తేజ, సనా మిశ్ర, సుశాంత్రెడ్డి, నితినేశ్, బెజవాడ భరత్, శ్వేత, టాగోర్ ప్రసాద్, చింతా రాకేశ్ రోషన్, అతడి భార్య సాయి ప్రసన్న వంటి వారి పేర్లను గుర్తించారు.
ఇక.. మరో సెలబ్రిటీ అయిన సిక్కిరెడ్డి నివాసంలో పార్టీలు జరిపేవారని, అందులో డ్రగ్ పార్టీ నిర్వహించినట్టు పోలీసులు గుర్తించారు. సెలబ్రిటీ అషురెడ్డితో కేపీకి డీలింగ్స్ ఉన్నట్టు గుర్తించారు. వందల కాల్స్ మాట్లాడినట్టు ఆధారాలున్నాయి. సినీ నటులు అషురెడ్డి, జ్యోతి, సురేఖవాణితో వందలాది కాల్స్ జరిపినట్టు తెలుస్తోంది. వీరి మధ్య జరిపిన సంభాషణలను, కాల్ లిస్ట్ని డీకోడ్ చేస్తున్నారు పోలీసులు.