వింబుల్డన్​ విమెన్స్​ సింగిల్స్​లో రైబాకినా దూకుడు.. గ్రాండ్​స్లామ్ టైటిల్​ కైవసం చేసుకున్న కజకిస్థాన్​ భామ

కజకిస్థాన్ భామ ఎలీనా రైబాకినా (23) వింబుల్డన్ మహిళల సింగిల్స్ టైటిల్ ను గెలుచుకుంది. గ్రాండ్ స్లామ్ టోర్నీలో ఫైనల్ చేరడం ఆమెకు ఇదే ఫస్ట్​ టైమ్​.. కాగా, అద్భుతమైన ఆటతీరుతో ట్యునీషియాకు చెందిన ఆన్స్ జాబెర్ ను ఓడించి మరీ టైటిల్​ ఎగరేసుకుపోయింది. జాబెర్ పై 3-6, 6-2, 6-2 తేడాతో విజయం సాధించిన రైబాకినా కెరీర్ లో తొలి గ్రాండ్ స్లామ్ టైటిల్ ను అందుకుంది. ఇక.. ఈ టైటిల్ సమరంలో తొలి సెట్ ను కోల్పోయినప్పటికీ రైబాకినా ఆత్మస్థైర్యం కోల్పోకుండా ఆడింది. వరుసగా రెండు సెట్లలో గెలిచి మ్యాచ్ ను, చాంపియన్ షిప్ ను నెగ్గింది. కాగా, వింబుల్డన్ లో పురుషుల సింగిల్స్ టైటిల్ సమరం రేపు (జులై 10) జరగనుంది. ఫైనల్లో అగ్రశ్రేణి ఆటగాడు నొవాక్ జకోవిచ్ తో ఆస్ట్రేలియా ఆటగాడు నిక్ కిర్గియోస్ తలపడనున్నాడు.