త్వరలో బాక్సింగ్‌ అకాడమీ ఏర్పాటు చేస్తా : నిఖత్‌ జరీన్‌

హైదరాబాద్‌, ఆంధ్రప్రభ : త్వరలో బాక్సింగ్‌ అకాడమీని ఏర్పాటు చేస్తానని కామన్‌ వెల్త్‌ క్రీడల్లో విజేత, బాక్సింగ్‌ క్రీడాకారిణి నిఖత్‌ జరీన్‌ ప్రకటించారు. సోమవారం హైదరాబాద్‌లో ఓ ప్రైవేటు పాఠశాల్లో కేంద్ర క్రీడాశాఖ, స్పోర్ట్‌ ్స అథారిటీ ఆఫ్‌ ఇండియా (శాయ్‌) ఆధ్వర్యంలో జాతీయ హ్యాండ్‌బాల్‌ సంఘం అధ్యక్షుడు అర్మనపల్లి జగన్‌మోహన్‌ రావు నిర్వహించిన మీట్‌ ద ఛాంపియన్‌లో పాల్గొన్న నిఖత్‌ జరీన్‌ పాల్గొని మాట్లాడారు.. కేంద్ర ప్రభుత్వం ప్రవేశపెట్టిన ఫిట్‌ ఇండియా కార్యక్రమం అద్భుతంగా ఉందని తెలిపారు. క్రీడాకారులతో పాటు సాధారణ ప్రజానీకానికి కూడా దాని వలన ఎంతో మేలు జరుగుతుందని అన్నారు. ఆకుకూరలు, పాలు , గుడ్లు వంటి ఎంపిక చేసిన పోషకాహారం, ప్రోటీన్స్‌ కలిగిన మాంసహారాన్ని డైల్‌లో భాగం చేసుకోవాలని ఆమె సూచించారు. ప్రతి ఒక్కరూ వ్యాయమం కోసం సమయం కేటాయించాలని ఆమె సూచించారు. అప్పుడే ఫిట్‌ ఇండియా సాధ్యపడుతుందని ఆమె పేర్కొన్నారు.