భారత్‌లో అక్టోబర్, నవంబర్ నెలల్లో వన్డే ప్రపంచకప్ జ‌ర‌గ‌నుంది. ఈ సిరీస్‌కు రెండు జట్లను ఎంపిక చేసేందుకు జింబాబ్వేలో క్వాలిఫైయింగ్ మ్యాచ్‌లు జరుగుతున్నాయి. అయితే.. ఒకప్పుడు క్రికెట్ ప్రపంచాన్ని శాసించిన వెస్టిండీస్ జట్టు ఈ ఏడాది భారత్‌లో జరిగే ప్రపంచకప్ టోర్నీకి అర్హత సాధించలేక అవమానాన్ని చవిచూసింది. జింబాబ్వే, నెదర్లాండ్స్, స్కాట్లాండ్ వంటి మూడు జట్లతో పోటీప‌డి త‌న స‌త్తా చాటుకోలేని ప‌రిస్థితికి వెస్టిండిస్ జట్టు చేరింద‌ని, దీంతో భారత్‌లో జరిగే ప్రపంచకప్‌లో ఆడే అవకాశం కోల్పోయిన‌ట్టు తెలుస్తోంది.
కాగా, షే హోప్ సారథ్యంలోని వెస్టిండీస్, డారెన్ స్యామీ కోచ్‌గా వ్యవహరించిన వెస్టిండీస్ క్వాలిఫయర్స్‌లో రాణించలేకపోయింది. పూర్ ఫీల్డింగ్‌తో ఆ జట్టు దెబ్బ‌తిన్న‌ట్టు తెలుస్తోంది. అంతేకాకుండా బౌలింగ్ లైన‌ప్ కారణంగా కూడా వెస్టిండీస్ భారీ స్కోరును కాపాడుకోలేకపోయింది. బ్యాట‌ర్లు కూడా ఆడడంలో విఫలమయ్యారు. 50 ఓవర్ల ప్రపంచకప్‌కు కూడా వెస్టిండీస్ అర్హత సాధించకపోవడం ఇదే తొలిసారి. ఇక.. గతేడాది ఆస్ట్రేలియాలో జరిగిన ట్వంటీ-20 ప్రపంచకప్ పోటీల‌లో కూడా వెస్టిండీస్ అర్హత సాధించలేదు.
కాగా, ప్రపంచకప్‌లో 10 జట్లు పాల్గొంటాయి. ర్యాంకింగ్ ప్రకారం 8 జట్లు మాత్ర‌మే అర్హత సాధించాల్సి ఉంటుంది. కానీ, వెస్టిండీస్ అర్హత సాధించలేకపోయింది.. జింబాబ్వే వేదికగా జరుగుతున్న ఈ ప్రపంచకప్ క్వాలిఫయర్స్‌లో శ్రీలంక గట్టి ఎత్తుగడ వేసినా వెస్టిండీస్ జట్టు బురదలో కూరుకుపోయింది. శనివారం స్కాట్లాండ్ కేవలం 181 పరుగులకే ఆలౌటైంది. అనంతరం స్కాట్లాండ్ 7 వికెట్ల తేడాతో లక్ష్యాన్ని ఛేదించింది. వెస్టిండీస్‌పై స్కాట్లాండ్‌కి ఇదే తొలి వన్డే విజయం.