ధారూర్, (ప్రభ న్యూస్): రైలు ఢీకొట్టడంతో 50 గొర్రెలు మృతి చెందిన ఘటన వికారాబాద్ జిల్లాలో ఇవ్వాల (శనివారం) సాయంత్రం జరిగింది. ధారూర్ రైల్వే స్టేషన్ సమీపంలో ఈ ఘటన చొటు చేసుకుంది. గ్రామస్తులు తెలిపిన వివరాల ప్రకారం.. దోర్నాల గ్రామానికి చెందిన కురువ కిష్టయ్య తన గొర్రెలు మేపడానికి అడవికి వెళ్లి, సాయంత్రం ఇంటికి వచ్చే క్రమంలో ఈ ప్రమాదం జరిగింది.
హుబ్లీ ట్రైన్ వస్తుందని గొర్రెలను రైల్వే ట్రాక్ పక్కన ఆపుకొని నిలబడ్డాడు. అదె సమయానికి పక్కనే చెట్ల పొదల్లోనుంచి అడవి పందులు పారిపోవడంతో గొర్రెలు బెదిరి ఎదురుగా ఉన్న ట్రాక్ పైకి పరుగెత్తాయి. దీంతో రైలు గొర్రెలను ఢీకొట్టడంతో చనిపోయినట్టు బాధితుడు క్రిష్టయ్య తెలిపాడు.
