Wednesday, February 8, 2023

త్వరలో మరో మూడు వందే భారత్‌ రైళ్లు.. హైదరాబాద్‌ నుంచి బెంగళూరు, తిరుపతి, పూనేల మధ్య ప్రారంభం

హైదరాబాద్‌, ఆంధ్రప్రభ : త్వరలో మరో మూడు వందే భారత్‌ రైళ్లు అందుబాటులోకి రానున్నాయి. ఇటీవల సికింద్రాబాద్‌-విశాఖపట్టణం మధ్య ఈ రైలు ప్రారంభం కావడం తెలిసిందే. చైర్‌కార్‌ సదుపాయం ఉన్న ఈ రైలు ప్రారంభమైనప్పటి నుంచి అనూహ్య రీతిలో ప్రయాణికుల ఆదరణ చూరగొంటున్నది. ప్రతీ రోజు వంద శాతం అక్యుపెన్సీతో వందే భారత్‌ పరుగులు తీస్తోంది. ఈ క్రమంలోనే కాచిగూడ-బెంగళూరు, సికింద్రాబాద్‌-తిరుపతి, సికింద్రాబాద్‌-పూణేల మధ్య త్వరలో మరో మూడు వందే భారత్‌ రైళ్లు ప్రారంభం కానున్నట్లు సమాచారం. ఈమేరకు దక్షిణ మధ్య రైల్వే ఏర్పాట్లు చేపట్టింది. రైళ్ల నిర్వహణ కోసం మెకానికల్‌ సిబ్బందికి ప్రత్యేక శిక్షణ ఇచ్చేందుకు కార్యాచరణ సిద్ధమైంది.

- Advertisement -
   

వందే భారత్‌ రైళ్ల కోసం డిపోల ఎంపికపై అధికారులు దృష్టి సారించారు. కాగా, దక్షిణ మధ్య రైల్వేకు ప్రధాన కేంద్రంగా ఉన్న సికింద్రాబాద్‌ నుంచి బెంగళూరు, తిరుపతి, పూణే నగరాలకు ప్రయాణికులు ప్రతీ రోజూ వేల సంఖ్యలో వెళుతుంటారు. దీంతో ప్రస్తుతం ఈ మార్గాలలో ఉన్న రైళ్లు సరిపోవడం లేదు. దీంతో కేంద్ర ప్రభుత్వం ఈ మూడు మార్గాలలో వందే భారత్‌ రైళ్లను ప్రారంభించాలని నిర్ణయించింది. ఈ లైన్లలో రద్దీతో పాటు గమ్యస్థానాలకు చేరడానికి ప్రయాణికులకు సుదీర్ఘ కాలం ప్రయాణించాల్సిన దృష్ట్యా వందే భారత్‌ రైళ్లను ప్రారంభించాలని కేంద్ర ప్రభుత్వం నిర్ణయించింది.

Advertisement

తాజా వార్తలు

Advertisement