తెలంగాణ విద్యుత్ శాఖ మంత్రి జగదీష్‌రెడ్డి సినిమా థియేటర్‌లో సందడి చేశారు. బుధవారం సూర్యాపేటలోని ఈశ్వర్ మూవీ థియేటర్‌లో పీపుల్స్ స్టార్ ఆర్.నారాయణమూర్తి నటించిన ‘రైతన్న’ సినిమాను ఆయన వీక్షించారు. రైతుల జీవితం ఆధారంగా తెరకెక్కించిన ఈ మూవీని అందరూ ఆదర్శంగా తీసుకోవాలని మంత్రి జగదీష్‌రెడ్డి పిలుపునిచ్చారు. ప్రతి ఒక్కరూ ఈ సినిమాను వీక్షించాలని, ఇలాంటి సందేశాత్మక చిత్రాలను ఆదరించాలని కోరారు. పేదల కష్టాలు, రైతుల బాధలను ఈ మూవీలో ఆర్.నారాయణమూర్తి కళ్లకు కట్టినట్లు చూపించారని మంత్రి జగదీష్‌రెడ్డి కొనియాడారు.
ఈ వార్త కూడా చదవండి: దళిత బంధు పథకంపై తెలంగాణ హైకోర్టు కీలక ఆదేశాలు