అలహాబాద్ సెంట్రల్ యూనివర్సిటీలోని పీసీబీ హాస్టల్ విద్యార్ధులు స్వ‌యంగా బాంబులు త‌యారు చేస్తున్నారు. ఒక బాంబు పేల‌డంతో ఈ బాంబుల త‌యారీ విష‌యం వెలుగు చూసింది. కాగా, రూమ్ నంబర్ 68లో ఉంటున్న ప్రభాత్ బాంబులు చేస్తుండ‌గా ఒకటి అతని చేతిలో పేలిపోయింది.
దీంతో అతని ఒక చేయి నుజ్జునుజ్జు అయిపోయింది. ఛాతీలోకి బాంబు శకలాలు దూసుకుపోయాయి. దీంతో సంఘటనా స్థలానికి కల్నల్‌గంజ్ పోలీస్ స్టేషన్ చేరుకుని విచారణ చేపట్టారు. గాయపడిన విద్యార్థిని చికిత్స నిమిత్తం ఎస్‌ఆర్‌ఎన్‌ ఆస్పత్రిలో చేర్పించారు. బాంబు పేలుడు అనంతరం అక్కడ కలకలం రేగింది. కాగా, ప్రభాత్ త‌న‌కు కేటాయించిన గదిలో కాకుండా బ‌ల‌వంతంగా ఒక గ‌దిలోని బ‌య‌ట‌కు త‌రిమివేసి అక్కడ బాంబులు త‌యారు చేస్తున్న‌ట్లు పోలీసులు గుర్తించారు. గదిలో ఉన్న పేలుడు త‌యారీ సామాగ్రిని పోలీసులు స్వాధీనం చేసుకున్నారు.