హీరో బాల‌కృష్ణ చేతుల మీదుగా – ఎన్టీఆర్ శ‌త జ‌యంతి వేడుక‌లు

ప్ర‌ముఖ న‌టుడు నంద‌మూరి బాల‌కృష్ణ చేతుల మీదుగా సీనియ‌ర్ ఎన్టీఆర్ శ‌త జ‌యంతి వేడుక‌లు జ‌ర‌గ‌నున్నాయి. ఈ ఏడాది మే 28 నుండి ఆయన శత జయంతి వేడుకలు ప్రారంభం కానున్నాయి. విశ్వవిఖ్యాత నటసార్వభౌమ స్వర్గీయ నందమూరి తారక రామారావు పుట్టిన ఊరు నిమ్మకూరులో ఈ వేడుకలు మే 28న ఉదయం బాలకృష్ణ చేతుల మీదుగా అత్యంత ఘనంగా ప్రారంభం కానున్నాయి. అలాగే మధ్యాహ్నం గుంటూరులోను, సాయంత్రం తెనాలిలోనూ.. ఈ శత జయంతి సందర్భంగా ఏడాది పొడవునా జరగనున్న కార్యక్రమాలను సైతం బాలకృష్ణ ఆధ్వర్యంలో, ఆయన చేతుల మీదుగానే ప్రారంభిస్తున్నార‌ట‌. వీటికి సంబంధించిన ఏర్పాట్లు భారీగానే జరగనున్నాయి. అన్న గారి శత జయంతి వేడుకలకు అభిమానులు సైతం భారీగా హాజరు కాబోతున్నారు.