అసోంలో ఘోర రోడ్డు ప్రమాదం జ‌రిగింది. ఈ ప్రమాదంలో 14మంది మృతి చెందారు. అస్సాంలోని గోలాఘాట్ జిల్లా డెర్గావ్‌లో ఘోర రోడ్డు ప్రమాదం చోటు చేసుకుంది.
ఈ ప్రమాదంలో ఐదుగురు మహిళలు, ఒక మైనర్ బాలుడు సహా దాదాపు 14 మంది మరణించినట్లు అధికారులు తెలిపారు. మరో 27 మంది తీవ్రంగా గాయపడ్డారు. అథ్ఖెలియా నుండి బలిజన్‌కు 45 మంది సభ్యులతో కూడిన పిక్నిక్ పార్టీని తీసుకెళ్తున్న బస్సు ట్రక్కును ఢీకొనడంతో ఈ ప్రమాదం జరిగిందని పోలీసులు తెలిపారు. తెల్లవారుజామున 3 గంటలకు పిక్నిక్ పార్టీ బస్సు తమ ప్రయాణాన్ని ప్రారంభించిందని, వారు తమ గమ్యస్థానానికి చేరుకోబోతుండగా, మార్గరీటా నుండి వెళ్తున్న బొగ్గుతో కూడిన ట్రక్కు బస్సును ఢీకొట్టిందని వారు చెప్పారు. రెండు వాహనాల డ్రైవర్లు అక్కడికక్కడే మృతి చెందగా, గాయపడిన వారిని దేర్గావ్ సివిల్ ఆసుపత్రికి తరలించారు. తీవ్ర గాయాలపాలైన వారిని జోర్హాట్ మెడికల్ కాలేజీ అండ్ హాస్పిటల్ (జేఎంసిహెచ్)కి తరలించారు.