ఇవాళ ఢిల్లీలో కిసాన్‌ మజ్దూర్‌ మహాపంచాయత్‌ నిర్వహించనున్నారు. రాంలీలా మైదానంలో రైతు సంఘాల ఆధ్వర్యంలో భారీ సభ నిర్వహిస్తున్నారు. దేశం నలుమూలల నుంచి, ముఖ్యంగా ఉత్తరాది నుంచి రైతులు పెద్ద ఎత్తున ఈ కార్యక్రమంలో పాల్గొంటారని చెప్పింది.
- Advertisement -
చాలా కాలం నుంచి అపరిష్కృతంగా ఉన్న రైతులు, కూలీల డిమాండ్లపై చర్చించనున్నట్లు వివరించింది. వ్యవసాయోత్పత్తులకు కనీస మద్దతు ధర (ఎంఎస్‌పీ)కి చట్టబద్ధత కల్పించడం, స్వామినాథన్‌ చెప్పిన సీ2 ప్లస్‌ 50 శాతం సూత్రాన్ని ఉపయోగించి ఎంఎస్‌పీని లెక్కించాలని రైతులు డిమాండ్‌ చేస్తున్నారు.