యంగ్ హీరోలకు గ‌ట్టి పోటీ ఇస్తున్న బాలయ్య‌.. సినిమాల‌న్నిటినీ లైన్‌లో పెట్టేశాడు

నందమూరి నటసింహం బాలకృష్ణ తాజాగా ‘వీరసింహారెడ్డి’ సినిమాతో మంచి బ్లాక్ బ్ల‌స్ట‌ర్‌ విజయాన్ని అందుకున్నారు. ప్ర‌స్తుతం అనిల్ రావిపూడి డైరెక్ష‌న్ లో NBK108 సినిమా చేస్తున్నారు. ఈ సినిమా ప్రస్తుతం షూటింగ్‌ను జరుపుకుంటోంది. ఇక‌.. “పైసా వసూల్” సినిమా త‌ర్వాత‌ పూరీ జగన్నాథ్ దర్శకత్వంలో NBK110 సినిమాను చేయ‌నున్న‌ట్టు తెలుస్తోంది. ప్రస్తుతం ఈ సినిమా స్క్రిప్ట్ పనుల్లో బిజీగా ఉంది. కాగా, ఈ సినిమా బోయపాటి NBK109 సినిమా త‌ర్వాతే రానున్న‌ట్టు తెలుస్తోంది. పూరీ జగన్నాథ్ దర్శకత్వంలో వ‌స్తున్న‌ NBK110 సినిమాకు అప్పుడే టైటిల్ ఖరారు చేసిన‌ట్టు తెలుస్తోంది. ఈ సినిమాకు “కాకా” అనే పేరును ఫిక్స్ చేసిన‌ట్టు స‌మాచారం. దీనికి సంబంధించిన ముచ్చ‌ట్లు సోషల్ మీడియాలో వైరల్ అవుతున్నాయి.

ఇక.. NBK108 విషయానికి వస్తే.. ప్రస్తుతం షూటింగ్ శరవేగంగా జరుగుతోంది. ఈ షూట్‌లో కాజల్ కూడా పాల్గొంటోంది. థమన్ సంగీతం అందిస్తోండ‌గా.. దసరా సందర్భంగా అక్టోబర్ 21న విడుదల చేయడానికి మేకర్స్ సన్నాహాలు చేస్తున్నారు. ఈ విషయంపై త్వరలోనే అధికారిక ప్రకటన రానుంది.

అయితే.. ప్ర‌స్తుత జ‌న‌రేష‌న్ లో కుర్ర హీరోలకు గట్టి పోటీనే ఇస్తున్నారు బాలయ్య.. యంగ్ హీరోల‌తో సమానంగా ఇంకా చెప్పాలంటే వారికంటే చురుగ్గా.. సినిమాలను చేస్తున్నారు. అందులో భాగంగా ఆయన ఇప్పటికే ఓ ఐదు సినిమాలను లైన్‌లో పెట్టారు. అంతే కాకుండా ఈ ఐదు సినిమాలకు దర్శకులు.. నిర్మాతలు ఫైనల్ అయ్యారు. ప్రస్తుతం కొన్ని సినిమాలు షూటింగ్ దశలో ఉండగా.. మరికొన్ని స్క్రిప్ట్ పనుల్లో బిజిగా ఉన్నాయి.

ఇక ఆ ఐదు సినిమాల విషయానికి వస్తే..

NBK108 – అనిల్ రావిపూడి దర్శకుడు, షైన్ స్క్రీన్స్ బ్యానర్‌లో నిర్మాణం కానుంది.
NBK109 – బోయపాటి శ్రీను దర్శకుడు, 14 రీల్స్ ప్లస్ నిర్మాణం,
NBK110 – పూరి జగన్నాథ్ దర్శకుడు, పూరి కనెక్ట్ బ్యానర్‌లో ఛార్మి నిర్మాత.
NBK111 – బాబీ దర్శుకుడు, సితార ఎంటర్‌టైన్‌మెంట్స్‌పై నాగవంశీ నిర్మించనున్నారు.
NBK112 – పరశురామ్ దర్శకత్వం వహించనున్నారు. గీతా ఆర్ట్స్ బ్యానర్’పై అల్లు అరవింద్ నిర్మించనున్నారు.
NBK108 – అనిల్ రావిపూడి ద‌ర్శ‌క‌త్వం.

అయితే.. ఈ సినిమాకి ఒక స్పెషాలిటీ ఉంది. ఈ సినిమా ప్యాన్ ఇండియా స్థాయిలో తెర‌కెక్కుతుండ‌గా.. ఆరు భాషల్లో విడుదల కానుందని సమాచారం. వీరసింహా రెడ్డి హిట్ తర్వాత బాలయ్య 108వ సినిమాను బ్లాక్ బస్టర్ డైరెక్టర్ అనిల్ రావిపూడితో చేస్తుండడంతో ఈ సినిమాపూ కూడా భారీగా అంచనాలే ఉన్నాయి. ఇప్పటి వరకు బాలయ్య సినిమాలు దాదాపుగా రాయలసీమ నేపథ్యంలోనే సాగేవి. అయితే ఈ సినిమా మాత్రం తెలంగాణ నేపథ్యంలో రానుందని దర్శకుడు అనిల్ రావిపూడి ప్రకటించారు. అయితే ఇప్పటికే ఓ షెడ్యూల్ కూడా పూర్తైందని తెలుస్తోంది.