వాతావరణంలో ఒకే రోజు వింత పరిస్థితిని చూస్తున్నారు హైదరాబాద్ ప్రజలు. ఎందుకంటే ఉదయం నుంచి మధ్యాహ్నం దాకా ఎండ దంచికొడుతుంటే.. సాయంకాలం నుంచి రాత్ర వేళల్లో చల్లని గాలులు, చిటపట చినుకులు కూల్ చేస్తున్నాయి. దీంతో ఒకే రోజు రెండు రకాల వెదర్తో ఇబ్బందులకు గురవుతున్నారు చాలామంది. కొంతమంది అయితే ఈ వింత పరిస్థితులను కూడా ఎంజాయ్ చేస్తున్నారు.
మధ్యాహ్నం దాకా దంచికొడుతున్న ఎండల కారణంగా పగలంతా ఉక్కపోతతో జనం అల్లాడిపోతున్నారు. ఇక.. రుతుప‌వ‌నాలు వచ్చినా పూర్తి స్థాయిలో వర్షాలు కురవకపోవడమూ దీనికి కారణంగా తెలుస్తోంది. ఇప్పుడిప్పుడే వర్షాలు పడుతున్నా వాతావరణం పూర్తిగా కూల్ కాలేదు. రాష్ట్ర వ్యాప్తంగా కొన్ని ప్రాంతాలు మినహా ఎక్కువ ఏరియాల్లో వర్షం కురిసింది. రాష్ట్రంలోని కొన్ని ప్రాంతాల్లో అయితే.. ఉరుములు మెరుపులతో రికార్డు స్థాయిలో వానలు పడ్డాయి. దీంతో వ్యవసాయ పనులు కూడా ఉపందుకున్నాయి. అయితే.. ఆ వెంటనే వాతావరణంలో మార్పులతో మళ్లీ ఎండలు దంచి కొడుతున్నాయి. దీంతో వానల కోసం రైతులు ఎదురు చూడాల్సిన పరిస్థితి తలెత్తుతోంది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.