అన్నమయ్య సంకీర్తనలు

రాగం : రేవతి
వేదంబెవ్వని

వేదం బెవ్వని వెదకెడిని
ఆదేవుని కొనియాడుడీ || వేదంబెవ్వని ||

వేంకటరమణా గోవిందా సంకట హరణా గోవిందా |
గోవిందా హరి గోవిందా వేంకటరమణా గోవిందా || వేదంబెవ్వని ||

అలరిన చైతన్యాత్మకు డెవ్వడు
కలడెవ్వడెచట కలడనిన
తలతుర్వెనిని తను వియోగదశ
యిలనాతడి భజియించుడీ || వేదంబెవ్వని ||

కడగి సకల రక్షకుడిందెవ్వడు
వడినింతయు నెవ్వని మయము
పిడికిట తృప్తులు పితరులెవ్వనిని
తడవిన ఘనుడాతని గనుడీ || వేదంబెవ్వని ||

కదసి సకల లోకంబుల వారలు
యిదివో కొలిచెద రెవ్వనిని
త్రిదశ వంద్యుడగు తిరువేంకటపతి
వెదకి వెదకి సేవించుడీ || వేదంబెవ్వని ||