యూటర్న్ సినిమా దర్శకుడు పవన్ కుమార్ ప్రస్తుతం ద్విత్వ సినిమా చేస్తున్నాడు. కేజిఎఫ్, సలార్ వంటి పాన్ ఇండియా చిత్రాలను నిర్మిస్తున్న హోంబలే ఫిల్మ్స్ వారు ఈ సినిమాను నిర్మిస్తున్నారు. పునీత్ రాజ్ కుమార్ హీరోగా నటిస్తున్న ఈ సినిమాలో హీరోయిన్ త్రిష నటించబోతుందని గతకొద్ది రోజులుగా వార్తలు రాగా ఇప్పుడు చిత్ర యూనిట్ అధికారికంగా ప్రకటించింది. ఈ మేరకు చిత్ర నిర్మాణ సంస్థ ఓ పోస్టర్ ను విడుదల చేసింది.
విశేషం ఏంటంటే పునీత్ రాజ్ కుమార్ తో త్రిష ఏళ్ల క్రితం పవర్ అనే సినిమాలో నటించింది. ఆ తర్వాత కన్నడలో ఏ సినిమాలోనూ నటించలేదు. మళ్లీ లాంగ్ గ్యాప్ తర్వాత ఇప్పుడు త్రిష రెండో సినిమా చేస్తోంది. ఇక పవన్ కుమార్ ఇటీవలే కుడి ఎడమైతే వెబ్ సిరీస్ ను డైరెక్ట్ చేశాడు. ప్రస్తుతం అది ఆహాలో స్ట్రీమ్ అవుతుంది.