‘పెళ్లాం ఊరెళితే’, ‘ఇంద్ర’ వంటి చిత్రాల్లో కీలక పాత్రల్లో నటించి గుర్తింపు తెచ్చుకున్న నటి ప్రశాంతి హారతి పెళ్లి చేసుకుని అమెరికాలో స్థిరపడింది. అక్కడ ఆమె ఓంకార అనే కూచిపూడి డ్యాన్స్‌ స్కూల్‌ ప్రారంభించింది. ప్రశాంతి హారతి దగ్గరే ఆమె కూతురు తాన్య హారతి కూచిపూడి డాన్స్‌ నేర్చుకుంది. తాన్య హారతి ప్రధాన పాత్రలో తెలుగింటి సంస్కృతి పేరుతో మ్యూజిక్‌ వీడియోకు ప్రముఖ దర్శకుడు వీఎన్‌ ఆదిత్య కాన్సెప్ట్‌ తయారుచేసి రూపొందించారు.
కిరణ్‌ గుడిపూడి ఈ వీడియోలో మరో లీడ్‌ రోల్‌ చేశారు. ఇటీ-వలే దర్శకేంద్రుడు కె.రాఘవేంద్రరావు చేతుల మీదుగా విడుదల చేసిన తెలుగింటి సంస్కృతి మ్యూజిక్‌ వీడియోకు మంచి ఆదరణ లభిస్తోంది. రాధాకృష్ణ హారతి నిర్మాతగా వ్యవహరించారు. ఎస్‌ ఎ ఖుద్దూస్‌ సంగీతం అందించగా..శ్రీ రామ్‌ తపస్వి గీత రచన చేశారు. ప్రముఖ నేపధ్య గాయని శ్రీనిధి ఆలపించారు
