మంచు మోహన్ బాబు ప్రస్తుతం సన్ ఆఫ్ ఇండియా సినిమా చేస్తున్న సంగతి తెలిసిందే. డైమండ్ రత్నబాబు దర్శకత్వంలో శ్రీ లక్ష్మీప్రసన్న పిక్చర్స్ తో కలిసి 24 ఫిలిం ఫ్యాక్టరీ పతాకంపై మంచు విష్ణు ఈ సినిమాను నిర్మిస్తున్నారు. అలాగే ఈ సినిమాకు ప్రముఖ సంగీత దర్శకుడు ఇళయరాజా సంగీతం అందిస్తున్నారు. ఇక ఇప్పటికే ఈ సినిమాకు సంబంధించి విడుదలైన లుక్ ప్రేక్షకులను విశేషంగా ఆకట్టుకుంది.
తాజాగా ఈ సినిమాకు సంబంధించిన ఫస్ట్ లిరికల్ వీడియో మంగళవారం ఉదయం విడుదలకానుందని చిత్ర యూనిట్ అనౌన్స్ చేసింది. జయ జయ మహావీర అంటూ సాగే ఈ లిరికల్ వీడియో మోహన్ బాబు పాత్రకు సంబంధించిన విషయాన్ని రివీల్ చేసే విధంగా ఉంటుందని అభిమానులు భావిస్తున్నారు. అలాగే ఒక సామాన్య వ్యక్తి నుండి ముఖ్యమంత్రి గా ఎదిగిన వ్యక్తి కథాంశం ఈ సినిమాలో కనిపిస్తుందని తెలుస్తోంది.