‘చావు కబురు చల్లగా’ విడుదలకు ముందే ‘RX 100’ఫేం హీరో కార్తీకేయ మరో చిత్రానికి గ్రీన్ సిగ్నల్ ఇచ్చాడు. స్టార్ డైరెక్టర్ సుకుమార్ నిర్మాణంలో తన తదుపరి సినిమా తెరకెక్కనుందని అతడు ప్రకటించాడు. అయితే ఈ సినిమాకు దర్శకత్వం ఎవరు వహిస్తారన్న విషయం అతడు చెప్పలేదు. అతి త్వరలోనే ఈ సినిమాకు సంబంధించి అన్ని వివరాలు తెలియనున్నాయి. ప్రస్తుతం సుకుమార్ అల్లుఅర్జున్ ‘పుష్ప’ సినిమాతో బిజీబిజీగా గడుపుతున్నాడు. ఈ మూవీ ఆగస్టు 13న విడుదల కానుంది.
‘పుష్ప’ పూర్తయిన తర్వాత కార్తీకేయ సినిమాపై సుకుమార్ దృష్టి పెట్టనున్నట్లు తెలుస్తోంది. ఈ మూవీ సుకుమార్ నిర్మాతతో పాటు మాటలు, స్క్రీన్‌ప్లే కూడా అందించనున్నాడు. కాగా కార్తీకేయ నటించిన ‘చావు కబురు చల్లగా’ ఈ నెల 19న ప్రేక్షకుల ముందుకు రానుంది. ‘RX 100’తర్వాత మరో హిట్ కోసం కార్తీకేయ నిరీక్షిస్తున్నాడు.