లేటెస్ట్ గా గోపీచంద్ మలినేని దర్శకత్వంలో వచ్చిన క్రాక్ సినిమాతో సూపర్ డూపర్ హిట్ ని అందుకున్నాడు మాస్ మహారాజా రవితేజ. అలాగే ప్రస్తుతం రమేష్ వర్మ దర్శకత్వంలో ఖిలాడి సినిమా చేస్తున్నాడు. అంతేకాకుండా శరత్ మండవ దర్శకత్వంలో కూడా ఓ సినిమాను ఓకే చేశాడు రవితేజ. కొన్ని నిజ జీవిత సంఘటనల ఆధారంగా థ్రిల్లర్ నేపథ్యంలో ఈ సినిమా తెరకెక్కబోతోంది.
అయితే ఈ సినిమాలో రవితేజ ను ఇంతవరకు ఎప్పుడూ చూడని విధంగా సరికొత్త పాత్రలో శరత్ చూపించబోతున్నారట. అలాగే రవితేజ సరసన ఈ సినిమాలో దివ్యాంశ కౌశిక్ హీరోయిన్ గా నటిస్తున్నారు. ఇదిలా ఉండగా తాజా సమాచారం ప్రకారం ఈ సినిమా రెగ్యులర్ షూటింగ్ జూలై 1 నుంచి హైదరాబాదులోని ఉన్న అల్యూమినియం ఫ్యాక్టరీ లో స్టార్ట్ కానుందట. ఇక ఈ షెడ్యూల్ లో యూనిట్ మొత్తం పాల్గొనబోతున్నారట.