పవర్ స్టార్ పవన్ కళ్యాణ్ ఇటీవల వకీల్ సాబ్ సినిమాతో సూపర్ డూపర్ హిట్ అందుకున్న సంగతి తెలిసిందే. అయితే ప్రస్తుతం హరిహర వీరమల్లు సినిమాతో పాటు అయ్యప్పన్ కొషియమ్ రీమేక్ చిత్రంలో కూడా పవన్ కళ్యాణ్ నటిస్తున్నాడు. ఇక ఈ సినిమాలో పవన్ తో పాటు దగ్గుబాటి రానా కూడా నటిస్తున్నాడు. ఇప్పటికే కొంత షూటింగ్ జరుపుకున్న ఈ చిత్రం కరోనా కారణంగా తదుపరి షెడ్యూల్ ను వాయిదా వేసుకుంది.
వచ్చే నెల నుంచి మిగిలిన షూటింగ్ ను కూడా కొనసాగించబోతున్నట్లు తెలుస్తోంది. అయితే తాజా సమాచారం ప్రకారం ఈ సినిమాను సంక్రాంతికి కానుకగా విడుదల చేయడానికి ప్లాన్ చేస్తున్నట్లు తెలుస్తోంది. సాగర్ కే చంద్ర దర్శకత్వం వహిస్తున్న ఈ సినిమాకు త్రివిక్రమ్ మాటలు అందిస్తున్నారు.