బోయపాటి శ్రీను దర్శకత్వంలో నందమూరి బాలకృష్ణ హీరోగా బిబి చిత్రం తెరకెక్కుతున్న సంగతి తెలిసిందే. ద్వారక క్రియేషన్స్ బ్యానర్ పై మిర్యాల రవీందర్ రెడ్డి తెరకెక్కిస్తున్న ఈ సినిమాలో నందమూరి బాలకృష్ణ ద్విపాత్రాభినయం చేస్తున్నాడు. ఇక ఇప్పటికే ఈ ఇద్దరి కాంబినేషన్ లో గతంలో వచ్చిన సింహ, లెజెండ్ చిత్రాలు ఘన విజయం సాధించడంతో ఈ చిత్రం పై భారీ అంచనాలు నెలకొన్నాయి. మరోవైపు ఇప్పటికే ఈ సినిమాకు సంబంధించి విడుదలైన ఫస్ట్ రోర్ వీడియో ప్రేక్షకులను విశేషంగా ఆకట్టుకుంది.
ఇదిలా ఉండగా ఈ సినిమాలో అఘోరాగా బాలయ్య కనిపించబోతున్నాడంటూ సినిమా చేసినప్పటి నుంచి వార్తలు వస్తున్నాయి. అయితే అఘోర అంటే బూడిద పూసుకొని ఉండేలా కాకుండా డిఫరెంట్ లుక్ లో బాలయ్యని చూపించేందుకు బోయపాటి ప్లాన్ చేస్తున్నాడట. కాగా తాజాగా బిబి 3 సెట్ లో హోలీ పండుగను సెలబ్రేట్ చేసుకున్న బాలయ్య ఓ చిన్న పాప తో రంగులు పూ యించుకుంటున్న ఫోటో సోషల్ మీడియాలో వైరల్ అవుతుంది. ఆ ఫోటోలో బాలకృష్ణ ఇదివరకు ఎప్పుడూ కనిపించని లుక్ లో కనిపించాడు. ఇదే లుక్ ను బిబి3 సినిమాలో కూడా బాలకృష్ణ కనిపించబోతున్నారని ఫ్యాన్స్ అనుకుంటున్నారు. మరి అది నిజమో కాదో తెలియాలంటే రిలీజ్ అయ్యే వరకు ఎదురు చూడాల్సిందే.