ముగనపాడు చౌడమ్మ తిరునాళ్లు..

కొనకనమిట్ల : మండలంలోని ముగనపాడులో వెలసిన చౌడేశ్వరి అమ్మవారి తిరునాళ్ల అత్యంత వైభవంగా జరగనుంది. ఆలయాన్ని రంగులు వేసి సర్వాంగసుందరంగా తీర్చిదిద్దారు.భక్తులకు ఎటువంటి అసౌకర్యం కలగకుండా ఆలయ ప్రాంగణంలో షామియానాలు ఏర్పాటు చేశారు. కొనకనమిట్ల మండలంతో పాటు దొనకొండ, మార్కాపురం, తర్లుపాడు, దర్శి, పొదిలి మండలాల నుండి అధికసంఖ్యలో భక్తులు తరలివస్తారు. తిరునాళ్లకు వచ్చే ప్రజల వినోదం కోసం టిడిపి1, రెండు వైసి పి విద్యుత్‌ ప్రభలు ఏర్పాటు చేయనున్నారు.ఆయా ప్రభలలోపాటకచ్చేరీలు, సాంస్కృతిక కార్యక్రమాలు ఏర్పాటుకు సిద్దం చేశారు. పొదిలి సిఐ శ్రీరాం ఆధ్వర్యంలో పలువురు ఎస్సైలు, పోలీస్‌ సిబ్బందితో పటిష్ట బందోబస్తు ఏర్పాటు చేయనున్నట్లు ఎస్సై యం.వెంకటేశ్వరనాయక్‌ తెలిపారు.