రంజాన్ వేడుకల్లో పాల్గొన్న ఎమ్మెల్యే గండ్ర

గత రెండేళ్లు కరోనా మహమ్మారితో చాలా ఇబ్బందులు పడ్డాం..ఇప్పుడిప్పుడే కరోనా దూరమై అందరూ ఆరోగ్యంగా ఉన్నారని భూపాలపల్లి శాసన సభ సభ్యులు గండ్ర వెంకట రమణా రెడ్డి అన్నారు. మంగళవారం జయశంకర్ జిల్లా కేంద్రంలోని 3 వార్డు పరిధిలోని బాంబులగడ్డ వద్ద ఈద్గాలో రంజాన్ పర్వదినాన్ని పురస్కరించుకుని ఘనంగా రంజాన్ వేడుకలు ఏర్పాటు చేశారు. ఈ వేడుకల్లో ముఖ్య అతిధిగా ఎమ్మెల్యే గండ్ర వెంకట రమణా రెడ్డి హాజరై ముస్లిం సోదరులతో కలిసి ప్రార్థన చేశారు. ఈ సందర్భంగా గండ్ర మాట్లాడుతూ గత నెల రోజులుగా ఎంతో భక్తి శ్రద్ధలతో నియామ నిష్ఠలతో ఉపవాస దీక్షలు చేపట్టి రంజాన్ మాసం నేటి చివరి రోజు ముగుస్తుందన్నారు. ఈ నేపథ్యంలో ఈద్గాలో ఏర్పాటు చేసిన రంజాన్ పండుగ వేడుకలో పాల్గొన్నడం చాలా సంతోషంగా ఉందన్నారు. మన రాష్ట్ర ప్రభుత్వం ముస్లిం మైనారిటీల  అభివృద్ధి కొరకు మైనార్టీ స్కూల్స్, కాలేజీలు ఏర్పాటు చేయడం జరిగిందన్నారు. ఆ అల్లా దయతో మీరు కోరుకున్న విధంగా కోరికలు తీర్చాలని ఆ భగవంతుణ్ణి ప్రార్థిస్తూ..ముస్లిం సోదరి సోదరులకు హృదయ పూర్వక రంజాన్ పండుగ శుభాకాంక్షలు తెలిపారు. ఈ కార్యక్రమంలో పలువురు టీఆర్ఎస్ కార్యకర్తలు పాల్గొన్నారు.