రామగుండం నియోజకవర్గ బీజేపీ అభ్యర్థి కందుల సంధ్యారాణి కర్రసాము చేశారు. శుక్రవారం నామినేషన్ వేసేందుకు బీజేపీ శ్రేణులు భారీ ర్యాలీ నిర్వహించారు.ఈ సందర్భంగా సంధ్యారాణి కర్రసాము విన్యాసం చేశారు. ఇటీవల బీఆరెస్స్ పార్టీ నుంచి బీజేపీ పార్టీలో చేరిన కందుల సంధ్యారాణికి ఆ పార్టీ అధిష్టానం మొదటి జాబితాలోనే ఆమెకు ఎమ్మెల్యే టికెట్ కేటాయించింది.
ఇప్పటికే సంధ్యారాణి రామగుండం నియోజకవర్గంలోని పాలకుర్తి జెడ్పీటీసీగా సాగుతోన్న సంగతి తెలిసిందే. ఈమె ఇప్పటికే నియోజకవర్గంలో పాదయాత్ర చేసి ప్రచారంలో కొనసాగుతోన్నారు. ఈ సమయంలో… సంధ్యారాణికి బిజెపి అధిష్టానం టికెట్ కేటాయించడంతో రామగుండంలో రాజకీయం మరింత రసవత్తంగా మారనుంది.ఇప్పటికే బీఆరెస్స్ పార్టీ ఎమ్మెల్యే అభ్యర్థిగా కోరుకంటి చందర్ బరిలో ఉండగా, కాంగ్రెస్ పార్టీ మక్కన్ సింగ్ రాజ్ ఠాకూర్ కు ఇటీవల టికెట్ ప్రకటించింది.