భీంగల్ టౌన్, (ప్రభన్యూస్ ) : నిజామాబాద్ పట్టణ కేంద్రంలోని సరస్వతి విద్యామందిర్ లో ఇవ్వాల (శుక్రవారం) శ్రావణమాసం పురస్కరించుకొని వరలక్మీ వ్రతం ఆచరించారు. పురోహితులు శ్రీ యోగేష్ జోషి ఆధ్వర్యంలో నిర్వహించిన ఈ కార్యక్రమంలో పట్టణానికి చెందిన సుహాసినిలు పాల్గొని భక్తి శ్రద్దలతో వరలక్మీ వ్రతం ఆచరించారు. శ్రీ మహావిష్ణువు జన్మ నక్షత్రమైన శ్రవణం పేరిట వచ్చే శ్రావణ మాసంలో ఈ వ్రతం ఆచరించడం వలన విశేష ఫలితాలు ఉంటాయని అర్చకులు తెలిపారు.
సర్వ మంగళ సంప్రాప్తి కోసం, సకల అభిష్టాలు అభిష్టాలు నెరవేరుతాయని, నిత్య సుమంగళి గా వర్దిల్లు తామని స్త్రీలు వ్రతం చేస్తారని అన్నారు. వ్రతం చేయడం ద్వారా అమ్మవారి కరుణ కటాక్షం దొరుకుతుందని సుహాసినిలు నమ్ముతారు. పాఠశాల లో నిర్వహించిన ఈ వరలక్ష్మి వ్రతం లో పాఠశాల కార్యదర్శి నర్సయ్య, ఏవో నర్సారెడ్డి, పాఠశాల మాతాజీలు, ఆచార్యులు, విద్యార్థులు, మాతృ మూర్తులు పాల్గొన్నారు.