తెలంగాణ డీజీపీ, పోలీసు వ్య‌వ‌స్థ‌ను కించ‌ప‌రిచేలా బీజేపీ ఎమ్మెల్యే ర‌ఘునంద‌న్‌రావు ఇవ్వాల (బుధ‌వారం) ఉద‌యం తీవ్ర‌ప‌ద‌జాలంతో కామెంట్స్ చేశారు. బిహార్ రౌడీయిజం ఇక్క‌డ చూపిస్తున్నార‌ని డీజీపీ అంజ‌నీకుమార్‌ను ఉద్దేశిస్తూ అన్నారు. త‌మ‌కు హక్కులుంటాయ‌ని, వాటిని గౌర‌వించాల‌ని పోలీసుల‌పై అక్క‌సు వెళ్ల‌గ‌క్కారు. కాగా, ఈ వ్యాఖ్య‌ల‌ను ఐపీఎస్ అధికారుల సంఘం సీరియ‌స్‌గా తీసుకుంది. ఈ విష‌యాన్ని ఖండించింది. అంతేకాకుండా స్పీక‌ర్‌కు ఎమ్మెల్యే ర‌ఘునంద‌న్‌రావుపై ఫిర్యాదు చేసింది.
దీంతో సాయంకాల‌నికి బీజేపీ ఎమ్మెల్యే ర‌ఘునంద‌న్‌రావు ప్లేటు పిరాయించారు. తాను ఉద్రిక్త‌ప‌రిస్థితుల్లో ఏమ‌న్నానో గుర్తు లేద‌ని మాట మార్చేశారు. ఒక‌వేళ త‌ప్పుగా మాట్లాడి ఉంటే ఆ మాట‌ల‌ను వాప‌స్ తీసుకుంటాన‌ని తెలిపారు. అంతేకాకుండా ఈ విష‌యంలో స్పీక‌ర్ నోటీసులు క‌నుక పంపితే స‌మాధానం ఇస్తాన‌ని రఘునందన్ చెప్పారు.