హైదరాబాద్: సినిమాలు, టీవీ షోలు, ప్రముఖులపై సమాచారం కోసం ప్రపంచంలోని అత్యంత ప్రాచుర్యం పొందిన, అధికారిక వనరు అయిన ఐఎండిబి 2023 లో ప్రపంచవ్యాప్తంగా ఐఎమ్డిబి వినియోగదారులకు అత్యంత ప్రాచుర్యం పొందిన 10 భారతీయ సినిమాలు, వెబ్ సిరీస్ లను ఆవిష్కరించింది. ఐఎమ్ డిబి కి 200 మిలియన్లకు పైగా నెలవారీ సందర్శకుల వాస్తవ పేజీ వీక్షణల ద్వారా ఐఎమ్ డిబి ఈ జాబితాలను నిర్ణయిస్తుంది. థియేట్రికల్, డైరెక్ట్-టు-స్ట్రీమింగ్ విడుదలలు ఒకే జాబితాలో ప్రజాదరణ కోసం పోటీపడటం ఆసక్తికరంగా ఉందని, ఇది గత కొన్ని సంవత్సరాలుగా అభివృద్ధి చెందుతున్న పంపిణీ వాస్తవికతను సూచిస్తుందని ఐఎండిబి ఇండియా హెడ్ యామిని పటోడియా అన్నారు.
మోస్ట్ పాపులర్ ఇండియన్ మూవీస్ ఆఫ్ 2023 (ఇప్పటివరకు)
- పఠాన్
- కిసీ కా భాయ్ కిసీ కీ జాన్
- థీ కేరళ స్టొరీ
- తూ ఝూతీ మెయిన్ మక్కార్
- మిషన్ మజ్ను
- చోర్ నికాల్ కే భాగా
- బ్లడీ డాడీ
- సిర్ఫ్ ఏక్ బందా కాఫీ హై
- వారిసు
- పొన్నియిన్ సెల్వన్: రెండో భాగం
పఠాన్‌తో తెరపైకి విజయవంతంగా తిరిగి వచ్చిన షారుఖ్ ఖాన్ ఇలా స్పందించారు. ఐఎమ్ డిబి జాబితాలో పఠాన్ మొదటి స్థానంలో ఉందని తెలుసుకోవడం చాలా సంతోషకరమైన విషయమన్నారు. పఠాన్‌కు లభించిన ప్రేమను చూడటం చాలా అద్భుతంగా ఉందన్నారు. మనం చేసిన ఏదైనా పనికి మొదటి స్థానం లభించినప్పుడు, ఈ గుర్తింపు కోసం ప్రతి ఒక్కరికి కృతజ్ఞతలు తెలుపుతూ తదుపరి దాని కోసం రెండు రెట్లు ఎక్కువ కష్టపడాలి. ముఖ్యంగా ఇది జరిగినందుకు పఠాన్ బృందానికి, ప్రపంచవ్యాప్తంగా ఉన్న ప్రేక్షకులకు తాను కృతజ్ఞతలు చెప్పాలనుకుంటున్నానన్నారు.
మోస్ట్ పాపులర్ ఇండియన్ వెబ్ సిరీస్ ఆఫ్ 2023 (ఇప్పటివరకు)
- ఫర్జీ
- ది నైట్ మేనేజర్
- రానా నాయుడు
- జూబ్లీ
- అసుర్: వెల్కమ్ టు యువర్ డార్క్ సైడ్
- దహాద్
- సాస్, బహు ఔర్ ఫ్లెమింగో
- తాజా ఖబర్
- తాజ్: డివైడెడ్ బై బ్లడ్
- రాకెట్ బాయ్స్
ఫర్జీ చిత్రంతో వెబ్ సిరీస్ అరంగేట్రం చేసిన షాహిద్ కపూర్ మాట్లాడుతూ… 2023 ఐఎండిబి మోస్ట్ పాపులర్ ఇండియన్ వెబ్ సిరీస్ జాబితాలో ఫర్జీని నంబర్ వన్ స్థానంలో ఉంచిన అపారమైన ప్రేమ, మద్దతుకు తాను చాలా కృతజ్ఞుడినన్నారు. ఈ షోలో అహర్నిశలు శ్రమించిన తమ టీమ్ అంకితభావానికి ఈ మైలురాయి నిదర్శనమన్నారు. ఈ గ్రిప్పింగ్ కథను ఊహించినందుకు రాజ్ ఇంకా డికెలకు, ఫర్జీని ప్రపంచవ్యాప్తంగా ప్రదర్శించడంలో తమకు సహాయం చేసినందుకు ప్రైమ్ వీడియోకు తాను కృతజ్ఞతలు తెలియజేయాలనుకుంటున్నానన్నారు.