గుర్తింపు లేని రాజకీయ పార్టీలకు నిధులు సమకూరుస్తున్నారన్న ఆరోపణలతో ఢిల్లీకి చెందిన ‘పాలసీ రీసెర్చ్ థింక్ ట్యాంక్ సెంటర్’పై ఆదాయపు పన్ను శాఖ సోదాలు చేస్తోంది. అంతేకాకుండా హర్యానా, మహారాష్ట్ర, గుజరాత్‌, ఇతర ప్రదేశాలతో పాటు 20 కంటే ఎక్కువ నమోదు కాని, గుర్తింపులో లేని రాజకీయ పార్టీలకు నిధులు సమకూర్చడంపై ఏకకాలంలో ఈ దాడులు జరుగుతున్నట్టు తెలుస్తోంది. జవహర్‌లాల్ నెహ్రూ యూనివర్శిటీలో బోధించిన.. న్యూఢిల్లీలోని లేడీ శ్రీరాం కళాశాల ప్రిన్సిపాల్‌గా పనిచేసిన రాజకీయ శాస్త్రవేత్త మీనాక్షి గోపీనాథ్ ప్రస్తుతం సెంటర్ పర్ పాలసీ రీసెర్చ్ థింక్ ట్యాంక్(CPR) పాలక మండలికి అధ్యక్షత వహిస్తున్నారు.
దీనికి గతంలో బీజేపీ ప్రభుత్వంపై విమర్శలు చేసిన ప్రముఖ విద్యావేత్త ప్రతాప్ భాను మెహతా కూడా అధ్యక్షత వహించారు. యామిని అయ్యర్ కంపెనీ ప్రెసిడెంట్ మరియు CEOగా ఉన్నారు. విదేశాంగ మాజీ కార్యదర్శి శ్యామ్ శరణ్, ఐఐఎం ప్రొఫెసర్ రమా బీజాపుర్కర్ బోర్డు సభ్యులుగా ఉన్నారు. ఇక.. నిధులకు సంబంధించి థింక్‌ట్యాంక్ తన వెబ్‌సైట్‌లో భారత ప్రభుత్వంచే లాభాపేక్ష లేని సమాజంగా గుర్తింపు పొందింది. దానికి చేసే విరాళాలకు పన్ను మినహాయింపు ఉందని పేర్కొంది.
కాగా, CPR వివిధ దేశీయ, అంతర్జాతీయ సంస్థలతో పాటు వ్యక్తుల నుంచి గ్రాంట్‌లను అందుకుంటుందని, వార్షిక ఆర్థిక మరియు గ్రాంట్ల పూర్తి అకౌంటింగ్ తన వెబ్‌సైట్‌లో అందుబాటులో ఉంచింది. ఇది 1973లో స్థాపించబడింది. అత్యున్నత నాణ్యమైన స్కాలర్‌షిప్, మెరుగైన విధానాలు.. భారతీయ జీవితాన్ని ప్రభావితం చేసే సమస్యల గురించి మరింత దృఢమైన బహిరంగ ఉపన్యాసానికి దోహదపడే పరిశోధనను నిర్వహించడానికి అంకితమైన, పక్షపాతరహితమైన, స్వతంత్ర సంస్థగా సీపీఆర్ కొనసాగుతోంది.
అయితే.. రాజకీయ పార్టీల అక్రమ నిధులకు సంబంధించిన ఆరోపణలకు సంబంధించి, గత సంవత్సరం నుండి ఇటీవలి డేటా ప్రకారం దేశంలో 2,858 పార్టీలు భారత ఎన్నికల కమిషన్‌లో నమోదు అయ్యాయి. వాటిలో 2,796 పార్టీలు ఈసీ గుర్తింపు పొందలేదు అని తెలుస్తోంది.