ఇప్ప‌టికే చాలా సమయం వృధా అయింద‌ని..న‌వ భార‌తం కోసం ప‌నిని ప్రారంభించాల‌ని ఐఐటీ గ్రాడ్యుయేట్ ల‌ను ఉద్దేశించి అన్నారు ప్రధాని న‌రేంద్ర మోడీ. కాన్పూర్ లోని ఇండియ‌న్ ఇన్ స్టిట్యూట్ ఆఫ్ టెక్నాలజీ 54వ స్నాత‌కోత్స‌వంలో ఆయ‌న పాల్గొని , ప్ర‌సంగించారు. రాబోయే 25ఉళ్ల‌లో వారు కోరుకునే భారతదేశం కోసం పని చేయాల‌ని కోరారు. దేశ పగ్గాలు చేపట్టాలని తెలిపారు.స్వాతంత్ర్యం వచ్చిన తర్వాత భారతదేశం కూడా కొత్త ప్రయాణాన్ని ప్రారంభించిందన్నారు. “25 సంవత్సరాలు పూర్తయ్యే సమయానికి, మన స్వంత కాళ్ళపై నిలబడటానికి చాలా పని చేయాల్సి ఉంది, అయితే చాలా సమయం వృధా చేయబడింద‌ని మోడీ చెప్పారు.
దేశం చాలా సమయం కోల్పోయింది, రెండు తరాలు గడిచిపోయాయి, కాబట్టి మనం ఇప్పుడు రెండు క్షణాలు కూడా కోల్పోకూడద‌ని వెల్ల‌డించారు. అపారమైన అవకాశాల” అంచున దేశం నిలుస్తోందని, వాటిని సద్వినియోగం చేసుకునే బాధ్యతను విద్యార్థులు తీసుకోవాలని కోరారు. ఉత్తరప్రదేశ్ గవర్నర్ ఆనందీబెన్ పటేల్ , ముఖ్యమంత్రి యోగి ఆదిత్యనాథ్ కూడా ఈ కార్య‌క్ర‌మానికి హాజ‌ర‌య్యారు. ఈ వేడుకలో ప్రధాని మోడీ బ్లాక్‌చెయిన్ ఆధారిత డిజిటల్ డిగ్రీలను ప్రారంభించారు.నేషనల్ బ్లాక్‌చెయిన్ ప్రాజెక్ట్ కింద అభివృద్ధి చేసిన ఇన్-హౌస్ బ్లాక్‌చెయిన్-డ్రైవెన్ టెక్నాలజీ ద్వారా విద్యార్థులకు డిజిటల్ డిగ్రీలు జారీ చేయబడ్డాయి. ఈ డిగ్రీలు ప్రపంచవ్యాప్తంగా ధృవీకరించబడతాయి, నకిలీ చేయబడవ‌ని చెప్పారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..