సింగరేణి సంస్థ మూసివేతకు కేంద్ర ప్రభుత్వం కుట్ర చేస్తోందని ప్రభత్వ విప్, ఎమ్మెల్యే బాల్క సుమన్ అన్నారు. బొగ్గు గని కార్మికుల చెమట చుక్కలతో దేశానికి వెలుగులు పంచుతున్న సింగరేణిని నిర్వీర్యం చేసేందుకు కుట్ర చేస్తున్నారని.. బీజేపీ తన అధికారాలను తప్పుడు రీతిలో ఉపయోగిస్తోందని సుమన్ మండిపడ్డారు. సీఎం కేసీఆర్ నాయకత్వంలో సింగరేణి సంస్థ అద్భుతమైన పురోగతితో దేశంలోని ఇతర సంస్థల కంటే గొప్పగా లాభాలు సాధించిందన్నారు. లాభాల్లో ఉన్న సింగరేణిని నష్టాల్లో ఉన్నట్టు చూపిస్తూ.. 4 బొగ్గు బ్లాకులను కేంద్రం వేలం వేస్తోందని ఆగ్రహం వ్యక్తం చేశారు.
కేంద్ర ప్రభుత్వం, ప్ర‌ధాని మోడీ అవలంబిస్తున్న కార్మిక వ్యతిరేక చర్యలను నిరసిస్తూ తెలంగాణ‌లో సింగరేణి కార్మికులు ఆందోళ‌న చేస్తున్నారు. 4 సింగరేణి బొగ్గు బ్లాకుల వేలాన్ని వెంటనే నిలిపివేసి సంస్థ మనుగడను కాపాడాలని డిమాండ్ చేస్తూ మంచిర్యాల జిల్లాలో పెద్ద ఎత్తున్న నిర‌స‌న కార్య‌క్ర‌మం నిర్వ‌హించారు. ఈ ఆందోళ‌న‌లు టీఆర్ ఎస్ పార్టీ, TBGKS ఆధ్వర్యంలో మందమర్రి డివిజన్ పరిధిలోని జ‌రిగాయి. వీటిని బాల్క సుమన్ తన ట్విట్టర్లో పోస్టు చేశారు.