మహారాష్ట్రలోని రెండు అతిపెద్ద నగరాల మధ్య ప్రయాణ సమయాన్ని గణనీయంగా తగ్గించేందుకు కేంద్రం ఓ కొత్త ప్రాజెక్టును చేపడుతుంది. ఏకంగా 10వేల కోట్లతో ఔరంగాబాద్, పూణే మధ్య ఎక్స్ ప్రెస్‌వేను నిర్మిస్తామని కేంద్ర రోడ్డు రవాణా, రహదారుల మంత్రి నితిన్ గడ్కరీ ఆదివారం తెలిపారు. గడ్కరీ ఆదివారం జాతీయ రహదారిపై 86కిలోమీటర్ల రోడ్లను జాతికి అంకితం చేశారు. రూ.3,216 కోట్లు, రూ.2,253 కోట్ల విలువైన మరో నాలుగు రోడ్డు ప్రాజెక్టులకు ఆయన శంకుస్థాపన చేశారు.
ఔరంగాబాద్ మరియు పూణే మధ్య దూరం దాదాపు 225 కి.మీ. మేము ఈ రెండు నగరాల మధ్య దూరాన్ని తగ్గించేందుకు కొత్త ప్రాజెక్టు చేపడుతున్నాం. దానికోసం ఈ ఎక్స్ ప్రెస్‌వేని నిర్మిస్తాము. ఇక్కడ మలుపులు లేవు. వాహనాలు గంటకు 140 కిమీ వేగంతో వెళ్లవచ్చు. ఇది రెండు నగరాల మధ్య ప్రయాణ సమయం 1.15 గంటలు తగ్గిస్తుంది (ప్రస్తుతం నాలుగు నుండి ఐదు గంటల వరకు) ఈ కొత్త రోడ్డుతో పైథాన్ మరియు అహ్మద్‌నగర్ ప్రాంతాల నుండి వెళ్తుంది, “అని ఆయన చెప్పారు.
ట్రాఫిక్ సమస్యల పరిష్కారానికి ఔరంగాబాద్‌లోని జాల్నా రోడ్డుపై డబుల్ డెక్కర్ బ్రిడ్జి నిర్మిస్తామని చెప్పారు.
మరఠ్వాడా ప్రాంతంలో నీటి ఎద్దడి గురించి కూడా మంత్రి మాట్లాడారు. “గతంలో నేను మరఠ్వాడాలో నీటి కొరతను పరిష్కరించడానికి ఒక పథకాన్ని మంజూరు చేసాను. గుజరాత్ మరియు మహారాష్ట్ర రాష్ట్రాలు వాటి మధ్య సమస్యలను పరిష్కరిస్తే, జయక్వాడి డ్యామ్ (ఔరగాబాద్‌లో) అతిపెద్ద ప్రయోజనం పొందుతుంది. ఇది ప్రతి సంవత్సరం నిండిపోతుంది.” అని గడ్కరీ అన్నారు.
కేంద్ర ఆర్థిక శాఖ సహాయ మంత్రి డాక్టర్ భగవత్ కరద్ ఈ రంగానికి ఊతమిచ్చేందుకు ఇక్కడి షెండ్రా లేదా బిడ్కిన్ పారిశ్రామిక ప్రాంతంలో ఎలక్ట్రిక్ వాహనాల ప్లాంట్‌ను ఏర్పాటు చేయాలని డిమాండ్ చేశారు. ఔరంగాబాద్‌లో పారిశ్రామిక పర్యాటకాన్ని ప్రోత్సహించడానికి అంతర్జాతీయ కన్వెన్షన్ సెంటర్ అవసరం కూడా ఉందని కరాద్ చెప్పారు.