షార్ట్ స‌ర్య్కూట్ వ‌ల్ల మంటలు చెల‌రేగి అగ్నిప్ర‌మాదం చోటు చేసుకుంది. బీహార్ రాష్ట్రంలోని హాజీపూర్ జిల్లాలోని ఓ ప్రైవేట్ ఆస్పత్రిలో ఆక‌స్మాత్తుగా మంటలు చెల‌రేగాయి. అగ్నిమాపక శాఖ వాహనాలు ఘటనాస్థలికి చేరుకున్నప్పటికీ ఆస్పత్రి సిబ్బంది మంటలను అదుపు చేశారు. అందిన సమాచారం మేరకు రెండు రోజుల క్రితం అగ్నిమాపక శాఖ సిబ్బంది ..ఆస్పత్రిలో మాక్ డ్రిల్ నిర్వహించింది. దీంతో ఆసుపత్రి సిబ్బంది స్వయంగా మంటలను అదుపులోకి తెచ్చారు. అగ్నిమాపక శాఖ అధికారి ఫైజ్ ఆలం మాట్లాడుతూ, అతని బృందం ఆసుపత్రికి చేరుకునే సమయానికి, ఆసుపత్రి సిబ్బంది మంటలను ఆర్పివేశారు. దాని వెనుక ఫైర్ మాక్ డ్రిల్ కృషి ఉంద‌న్నారు. దీంతో పెను ప్రమాదం తప్పింది. హార్ట్ కేర్ యూనిట్‌లో మంటలు చెలరేగడంతో రోగులు, వారి కుటుంబ సభ్యులు భయాందోళనకు గురయ్యారని ఆసుపత్రి సిబ్బంది తెలిపారు. మంటలు వ్యాపించాయి. చాలా కష్టపడి దాన్ని అదుపు చేశారు.ఆసుపత్రి సిబ్బంది మంటలను అదుపు చేసిన తీరుపై అందరూ ప్రశంసలు కురిపిస్తున్నారు, దీంతో పెను ప్రమాదం తప్పింది, ప్రస్తుతానికి ఎలాంటి నష్టం వాటిల్లలేదు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..