బీజేపీపై ఈసీకి ఫిర్యాదు చేస్తాం: కాంగ్రెస్‌

బీజేపీపై ఎన్నికల కమిషన్‌కు ఫిర్యాదు చేయాలని కాంగ్రెస్‌ నిర్ణయించింది. పోటీ నుంచి తప్పుకునేలా రెబెల్‌ అభ్యర్థులపై భాజపా ఒత్తిడి చేస్తోందని, ఇందుకు సంబంధించి తమవద్ద వీడియో క్లిప్‌ ఆధారాలు ఉన్నాయని కాంగ్రెస్‌ పేర్కొంది. ఈ అంశంపై ఈసీకి ఫిర్యాదు చేయనున్నామని చెప్పింది. ఫతేపూర్‌ నుంచి పోటీచేస్తున్న రెబెల్‌ అభ్యర్థి క్రిపాల్‌ పర్మార్‌ను బ్లాక్‌మెయిల్‌ చేసేలా ప్రధాని మోడీ వ్యాఖ్యానించిన విషయాన్ని ఈ సందర్భంగా కాంగ్రెస్‌ అధికార ప్రతినిధి అభిషేక్‌ సింఘ్వీ ప్రస్తావించారు. ఎన్నికలు స్వేచ్ఛగా పారదర్శకంగా జరగకుండా ప్రధాని మోడీ తన అధికారాన్ని దుర్వినియోగం చేస్తున్నారని ఆయన ఆరోపించారు. బీజేపీకి పరిపాలన కంటే ఎలక్షనీరింగే బాగా తెలుసునని సింఘ్వీ ఎద్దేవా చేశారు.