జూలై 1న – ఓటీటీలో విరాట‌ప‌ర్వం

జూలై 1న నెట్ ప్లిక్స్ లో విరాట‌ప‌ర్వం చిత్రం స్ట్రీమింగ్ కానుంది. ఈ చిత్రం ఓటిటీ హక్కులను రూ. 15 కోట్లకు నెట్ ఫ్లిక్స్ చేజిక్కించుకుంది. రానా దగ్గుబాటి, సాయిపల్లవి హీరో, హీరోయిన్లుగా నటించిన చిత్రం విరాటపర్వం. వేణు ఊడుగుల దర్శకత్వంలో తెరకెక్కిన ఈ సినిమా జూన్ 17న ప్రేక్షకుల ముందుకు వచ్చింది. నక్సల్ బ్యాక్ డ్రాప్ లో సాగే ప్రేమ కథ. 1990 లో జరిగిన కొన్ని నిజ సంఘటనలను ఆధారంగా చేసుకొని ఈ సినిమాను తెరకెక్కించారు. నక్సల్ దళ నాయకుడు రవన్న పాత్రలో రానా నటిస్తే.. అతని ప్రేమించే అమ్మాయి వెన్నెల పాత్రలో సాయి పల్లవి నటించింది. విప్లవ నాయకుడిని ప్రేమించిన అమ్మాయి అతని కోసం ఏం చేసింది అనేదే కథాంశం.