ఒక్కో సినిమాతో ప్రభాస్ స్టార్ డమ్ పెరిగిపోతోంది. రాధే శ్యామ్ పరాజయం కూడా అతని బ్రాండ్‌పై ప్రభావం చూపలేదు. ఎందుకంటే ప్రభాస్ ఇప్పుడు ఒక్క గ్లోబ‌ల్ స్టార్.. ఇక ప్ర‌స్తుతం ప్రభాస్ చేతిలో ఇప్పటికే భారీ పాన్-ఇండియా ప్రాజెక్ట్‌ల అద్భుతమైన లైనప్ ఉంది. ప్రశాంత్ నీల్ డైరెక్ష‌న్ లో సాలార్, ఓం రౌత్ ద‌ర్శ‌కత్వం వ‌హించిన పిరియాడిక్ మూవీ ఆదిపురుష్, నాగ్ అశ్విన్ తెర‌కెక్కించ‌నున్న ప్రాజెక్ట్ కే వంటి చిత్రాలలో కనిపించనున్నాడు. ఈ సినిమాలన్నీ భారీ బడ్జెట్‌తో రూపొందుతుండడంతో సహజంగానే ఈ సినిమాలపై భారీ అంచనాలు ఉన్నాయి.
అయితే.. ఆదిపురుష్‌కి విష‌యానికి వస్తే, 2023 జనవరి 12న ప్రపంచవ్యాప్తంగా విడుదల చేయనున్నట్లు మేకర్స్ ప్రకటించారు. ఈ పౌరాణిక నాటకం మొత్తం 3డిలో విడుదల కానుంది. ఈ వార్త సినిమా ప్రేమికులందరినీ, ప్రభాస్ డై హార్డ్ ఫ్యాన్స్ ని ఎంతో ఉత్తేజపరిచింది. అయితే ఈ మూవీ షూటింగ్ ఇప్పటికే పూర్తయింది. ఓం రౌత్ సినిమాను త్వరగా పూర్తి చేయడానికి ఎక్కువ సమయాన్ని వృథా చేయలేదు, తద్వారా విసుగు పుట్టించే పోస్ట్ ప్రొడక్షన్ ప్రారంభించవచ్చు అని అతని ఉద్దేశం. హాలీవుడ్‌కు చెందిన వీఎఫ్‌ఎక్స్ టెక్నీషియన్లు ఈ చిత్రానికి గ్రాండ్ లుక్ ఇస్తున్నారు.
కాగా, ఈ మూవీ విడుదలకు ముందే భారీ రికార్డు సృష్టించింది. నెట్‌ఫ్లిక్స్ ఈ సినిమా డిజిటల్ హక్కులను అన్ని భాషలకు కలిపి 250 కోట్ల రూపాయలకు సొంతం చేసుకుంది. బ్రాండ్ ప్రభాస్, సినిమాపై మార్కెట్ అంచనాలకు ఇది నిదర్శనం.