సమాజంలో శాంతిభద్రతలకు విఘాతం కల్గిస్తే బుల్డోజర్లతో సమాధానం చెబుతామని ఉత్తర్‌ప్రదేశ్‌ సీఎం యోగి ఆదిత్యనాథ్‌ హెచ్చరికలు చేయడంతోపాటు అమలు కూడా చేశారు. తాజాగా అసోంలోనూ అదే విధానం అమలైంది. నగావ్‌ జిల్లా బటద్రవా పోలీస్‌స్టేషన్‌పై కొందరు దుండగులు దాడి చేసి నిప్పంటించారు. ఈ ఘటనకు కారకులైన నిందితులను గుర్తించి, వారి ఇళ్లను బుల్డోజర్లతో కూల్చివేశారు. ఈ కేసుకు సంబంధించి పూర్వాపరాలిలా ఉన్నాయి. బటద్రవా పోలీస్‌స్టేసన్‌ పరిధిలో ఓ కేసులో సఫీకుల్‌ అనే అనుమానితుడు పోలీసులు అదుపులోకి తీసుకుని విచారిస్తున్నారు.
అనారోగ్యానికి గురికాగా ఆస్పత్రికి తరలించగా, చికిత్స పొందుతూ మృతి చెందాడు. విషయం తెలుసుకున్న కుటుంబ సభ్యులు, బంధుమిత్రులు మూకుమ్మడిగా బటద్రవా పోలీస్‌స్టేషన్‌పై దాడి చేశారు. ఈ ఘటనలో ఇద్దరు పోలీసులు తీవ్రంగా గాయపడ్డారు. ఈ ఘటనను తీవ్రంగా పరిగణించిన అధికార యంత్రాంగం బాధ్యులను గుర్తించి కఠిన చర్యలకు పూనుకుంది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..