ధ‌మాకా.. మొద‌టిరోజు క‌లెక్ష‌న్స్

హీరో రవితేజ మళ్ళీ ట్రాక్ ఎక్కినట్టే కనిపిస్తున్నాడు. ధమాకా సినిమాకు మొదటి రోజు అదిరిపోయే కలెక్షన్స్ వచ్చాయి. ఆయన గత సినిమాలతో పోలిస్తే అద్భుతమైన వసూళ్లతో దూసుకుపోతుంది ధమాకా. అవుట్ అండ్ అవుట్ కమర్షియల్ మాస్ ఎంటర్టైనర్ కావడంతో ఈ సినిమాకు ప్రేక్షకులు బ్రహ్మరథం పడుతున్నారు. రొటీన్ కమర్షియల్ సినిమా అయినా కూడా ఎంటర్టైన్మెంట్ బాగా ఉండటంతో కలెక్షన్స్ బాగానే వచ్చాయి. మొదటి రోజు ఏపీ తెలంగాణలో 4.50 కోట్ల షేర్ తెచ్చుకున్న ఈ సినిమాకు.. ప్రపంచ వ్యాప్తంగా 5.10 కోట్ల షేర్ వచ్చింది .ధమాకా’ సినిమా సేఫ్ అవ్వాలంటే 20 కోట్ల షేర్ రావాలి. ప్రస్తుతం ఈ సినిమాకు వస్తున్న కలెక్షన్స్ రిపోర్టు చూసిన తర్వాత వీకెండ్ లోనే సేఫ్ జోన్ కు వచ్చేలా కనిపిస్తోంది. అదే జరిగితే రెండేళ్ల తర్వాత రవితేజకు హిట్టు పడినట్టే.