తెలంగాణలో కాంగ్రెస్ పార్టీ రోజు రోజుకు దూకుడుని పెంచుతోంది. ఆ పార్టీ ముఖ్యనేత, ఎంపీ రాహుల్ గాంధీ పర్యటన దాదాపు ఖరరావడంతో క్యాడర్‌లో జోష్ పెరిగింది. రేపటి (శనివారం) నుంచి 2 రోజుల పాటు తెలంగాణలో సమావేశాలు జరుగనున్నాయి. ఇందుకు రాహుల్ గాంధీ రెండు రోజుల పర్యటన దాదాపు ఖరారు అయింది. రేపు మధ్యాహ్నం 12:35 నిమిషాలకు శంషాబాద్ ఎయిర్ పోర్ట్ నుంచి రాహుల్ గాంధీ నేరుగా తాజ్ కృష్ణ హోటల్ లో జరిగే cwc మీటింగ్ లో పాల్గొననున్నారు. ఎల్లుండి తుక్కుగూడ సభ అనంతరం శంషాబాద్ ఎయిర్ ఫోర్టు నుండే రాత్రి 8:50 గంటలకు తిరుగు ప్రయాణం అవుతారు.
రెండు రోజుల పాటు సమావేశాలు జరుగనున్న నేపథ్యంలో పార్టీ ముఖ్య నేతలు మల్లికార్జున ఖర్గే, ప్రియాంకగాంధీ, సోనియాగాంధీ, 4 రాష్ట్రాల సీఎంలు, సీడబ్లయూసీ సభ్యులు, పీసీసీ అధ్యక్షులు, సీఎల్పీ నేతలు హైదరాబాద్ రానున్నారు. వీరిలో కొంతమంది ఇప్పటికే తాజ్ కృష్ణ హోటల్ కు చేరుకుంటున్నారు. మరోవైపు ఇతర పార్టీల నుంచి చాలామంది నాయకులు కాంగ్రెస్లో చేరే అవకాశం కనిపిస్తోంది. ముఖ్యంగా ఖమ్మం జిల్లాకు చెందిన తుమ్మల నాగేశ్వరరావు తుక్కుగూడలో నిర్వహించే విజయభేరీ సభలో కాంగ్రెస్ పార్టీలో తన అనుచరులతో కలిసి పార్టీలో జాయిన్ అవుతారన్న సమాచారం ఉంది.