టీమిండియా క్రికెటర్ రవిచంద్రన్ అశ్విన్ ఇంట్లో కరోనా మహమ్మారి కలకలం సృష్టిస్తున్న సంగతి తెలిసిందే. ఒకరు కాదు ఇద్దరు కాదు ఏకంగా పదిమందికి కరోనా వైరస్ సోకింది. ఈ విషయాన్ని అశ్విన్ భార్య ప్రీతి సోషల్ మీడియా వేదికగా తెలిపారు. ఒకే వారంలో ఇంట్లోని ఆరుగురు పెద్ద వాళ్ళు నలుగురు పిల్లలకు పాజిటివ్ తేలిందని… పిల్లల వల్ల అందరికీ పాజిటివ్ వచ్చిందని చెప్పుకొచ్చారు.
అందుకే గత వారం ఓ పీడకలలా గడిచింది. అందరూ జాగ్రత్తగా ఉండండి..టీకా తీసుకోండి అంటూ అశ్విన్ భార్య ట్వీట్ చేసింది. ఇప్పటికే ఐపీఎల్ నుంచి అశ్విన్ బయటికి వచ్చాడు. తన కుటుంబ సభ్యులు కరోనా బారిన పడటం వల్ల ఐపీఎల్ కు దూరమవుతున్నట్లు ప్రకటించాడు.