టీఎస్ ఆర్టీసీని తెలంగాణ ప్రభుత్వంలో విలీనం చేసే బిల్లును ఇవ్వాల (ఆదివారం) అసెంబ్లీ ఆమోదించింది.తొలుత సీఎం కేసీఆర్, కేబినెట్ తీసుకున్న నిర్ణయాన్ని గవర్నర్ తమిళిసై సౌందరరాజన్కు పంపగా ఆ బిల్లుపై పలు సందేహాలు లెవనెత్తారు . దీంతో ఆర్టీసీ ఉద్యోగులు, కార్మికులు ఆందోళనకు దిగారు. చివరగా రాజ్ భవన్ ముట్టడిస్తామని ప్రకటించారు. అయినా గవర్నర్ బిల్లును పాస్ చేయడంలో ఆలస్యం చేయడంతో కార్మికులు ఆవెదనకు గురయ్యారు. కార్మిక సంఘాల ఆందోళనల పిలుపుతో దిగివచ్చిన గవర్నర్ ఇవ్వాల బిల్లుకు గ్రీన్ సిగ్నల్ ఇచ్చారు. దీంతో ఆ బిల్లు తెలంగాణ అసెంబ్లీలో ఆమోదం పొందింది. దీంతో అటు ఆర్టీసీ కార్మికులు, వారి కుటుంబాలు సంతోషం వ్యక్తం చేస్తున్నాయి. సీఎం కేసీఆర్ చిత్ర పటాలకు పలు జిల్లాల్లోపాలాభిషేకాలు చేస్తున్నారు.
అసెంబ్లీ నిరవధిక వాయిదా..
అంతేకాకుండా.. బాన్సువాడ మున్సిపల్ లోని కొయ్యగుట్ట, ఆలేరు మున్సిపాలిటిలోని సాయిగూడెం గ్రామాలను మున్సిపాలిటీల నుంచి తొలగించి గ్రామ పంచాయతీలుగా ఏర్పాటు చేస్తూ చట్ట సవరణకు అసెంబ్లీ ఆమోదం తెలిపింది.
గద్దర్ మృతి తీరని లోటు..
అసెంబ్లీ సమావేశాల సందర్భంగా సీఎం కేసీఆర్ ప్రజా గాయకుడు, విప్లవ నేత గద్దర్ మృతికి సంతాపం ప్రకటించారు. ఆయన లేని లోటు సాహిత్య లోకానికి తీరనదన్నారు. గద్దర్ మృతికి అసెంబ్లీ సంతాపం ప్రకటించింది. దీంతో తెలంగాణ అసెంబ్లీ సమావేశాలు ముగిశాయి. అసెంబ్లీని నిరవధికంగా వాయిదా వేస్తున్నట్ట స్పీకర్ పోచారం శ్రీనివాసరెడ్డి తెలిపారు. సహకరించిన సభ్యులందరికీ కృతజ్ఞతలు తెలిపారు.