భారత బ్యాడ్మింటన్ కీర్తి పతాకను అంతర్జాతీయ స్థాయిలో రెపరెపలాడించిన హైదరాబాదీ బ్యాడ్మింటన్ స్టార్ సైనా నెహ్వాల్ జీవితకథ ఆధారంగా ‘సైనా’ అనే బయోపిక్ తెరకెక్కుతోంది. అంతర్జాతీయ మహిళా దినోత్సవం సందర్భంగా ‘సైనా’ ట్రైలర్ ను విడుదల చేశారు.
ఈ బయోపిక్ లో సైనా పాత్రను బాలీవుడ్ నటి పరిణీతి చోప్రా పోషిస్తోంది. సైనాలా కనిపించేందుకు పరిణీతి ఫిట్ నెస్ పరంగా ఎంతో శ్రమించింది. పాత్ర కోసం పరిణితి చోప్రా 10 కిలోల బరువు తగ్గింది . బ్యాడ్మింటన్ లోనూ మెళకువలు నేర్చుకుని సైనా పాత్రకు న్యాయం చేసేందుకు ప్రయత్నిస్తోంది.
‘సైనా’ చిత్రానికి అమోల్ గుప్తే దర్శకత్వం వహిస్తున్నారు. టీ సిరీస్ ఫిలింస్, ఫ్రంట్ ఫుట్ పిక్చర్స్ బ్యానర్లపై రూపుదిద్దుకుంటున్న ఈ చిత్రానికి అమాల్ మాలిక్ సంగీతం అందిస్తున్నారు. ‘సైనా’ బయోపిక్ మార్చి 26న ప్రేక్షకుల ముందుకు వస్తోంది.
